Një video e të dashurës së Jeff Bezos teksa i buzëqesh aktorit Leonardo DiCaprio, është bërë virale në rrjet.
Themeluesi i “Amazon” ka reaguar për herë të parë pasi ka parë këto imazhe të shpërndara kudo në rrjet, në qendër të të cilave ishte partnerja e tij, Lauren Sanchez.
“Leo, eja këtu, dua të të tregoj diçka…”, shkroi Bezos krahas një imazhi të vetes ku shfaqet i përkulur mbi një tabelë që lexon, “RREZIK! Shkëmb i pjerrët. Rënie fatale“.
So we see Leonardo DiCaprio is trending 👀 Here's our original video from @marcmalkin of DiCaprio chatting with Jeff Bezos and his girlfriend Lauren Sanchez at the LACMA Art + Film Gala https://t.co/TpKZZjUS3Y pic.twitter.com/s3nkA6rKrk
— Variety (@Variety) November 8, 2021
Sipas “The Independent”, tweet-i i Bezos erdhi si përgjigje ndaj videos së shpërndarë nga “Barstool Sports”. Në të shfaqeshin Bezos dhe e dashura e tij, Lauren Sanchez, në Gala Art + Film LACMA, në Los Angeles, duke folur me DiCaprion.
Shumë njerëz që e kanë parë videon, kanë komentuar se DiCaprio dhe Sanchez po flirtonin me njëri-tjetrin. Përgjigjja e themeluesit të Amazon, i cili është 57 vjeç, është pëlqyer më shumë se 26,000 herë. Çifti së fundmi bleu një shtëpi prej 78 milionë dollarësh në Hawaii.
