Puthje dhe përqafime me Beatrix-in, Donaldi sqaron gjithçka: Prisja një shenjë nga Bora

Mediale Vip

Puthje dhe përqafime me Beatrix-in, Donaldi sqaron gjithçka: Prisja një shenjë nga Bora

Më: 3 dhjetor 2021 Në ora: 22:17
Donald Veshaj

Afrimiteti me Beatrix Ramosaj në një kohë kur shprehu publikisht dashurinë për Bora Zemanin, bëri që Donald Veshaj të kritikohej shumë. Për më tepër, para disa javësh, ai i dhuroi Borës dhe një varëse për 3 vjetorin e njohjes së tyre. Mbrëmjen e sotme në BB VIP, aktori i humorit ka sqaruar gjithçka.

Ai shpjegoi se priste një shenjë nga Bora pasi i dërgoi varësen. Më tej, ai shpjegoi se e ka pëlqyer Trixën që në momentin që ajo ka hyrë brenda shtëpisë së Big Brother por nuk donte ta pranonte pikërisht për situatën me Borën.

“Për mua ishte një shenjë dhe prisja një shenjë që nuk më erdhi kurrë. Prisja një shenjë, një konfirmim ose diçka. Kam qenë i turbullt. Kam qenë në një presion të madh, përzierje ndjenjash realisht të forta. Në momentin që ka ardhur Trixa, më ka pëlqyer gjithmonë tipi i saj, por nuk kam dashur t’ja pranoj vetes sepse kam menduar për njeriun jashtë dhe kur kam qenë jashtë e nuk kam qenë me të.”, tha Donaldi.

“Njerëzit që duan e gjejnë një zgjidhje. Situata ime ka ndodhur e tillë, kam një mijë e një arsye që e kam ndërprerë marrëdhënien time me atë vajzë. Përpara se të futesha më ka ardhur një mesazh dhe nuk kam sqaruar asnjë lloj gjëje. Nuk e di, nuk do t’ja falja vetes time që ta mbaja mendjen në një gjë që më duket flluckë në ajër.”, shtoi më tej ai. 

Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listën e kanaleve, si dhe përmbledhjen javore në kanalin TOP Channel.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat