Rrushja debaton me Efin dhe shkak u bë një foto me Mevlanin

Mediale Vip

Rrushja debaton me Efin dhe shkak u bë një foto me Mevlanin

Më: 27 janar 2022 Në ora: 23:00
Rrushja

Rrushja ka zbuluar se nuk ka qenë pjesë e programit për shkak të problemeve shëndetësore.

Megjithatë, sapo u rikthye, u transmetua takimi i saj me Mevlanin, që sërish nuk shkoi mirë.

Teksa priste Mevlanin në takim, Rrushja është nevrikosur keq. Ndonëse Mevlani u përpoq ta justifikonte duke thënë se “nuk do të linte nënën rrugëve” pasi e kishte cuar për të bërë disa analiza mjekësore.

Ndërsa Rrushja i përmendi më pas se kishte publikuar fotografi me Efin ndërsa ishte në takim me të dhe u shpreh se kjo tregon mungesë respekti.

“Puna është që pate kohë të hysh edhe live në Instagram, edhe të nxjerrësh foto me Efin duke ditur që ke takim me mua”, tha ajo.

Diskutimi vazhdoi edhe në studio, ku Rrushja debatoi me Efin. Sipas kësaj të fundit, ishte dita kur transmetohej takimi, ndaj s’kishte asgjë për tu marrë kaq keq.

Nga ana tjetër, Mevlani i kërkoi falje, por këmbënguli se foton me Efin, duhet ta “bënin kartolinë”.

Në takim, Rrushja tha se nuk mund të pranojë që çdo herë Mevlani ta mbyllë me një “Më fal”. Madje ajo shprehu se takimi ishte i mërzitshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat