Kanye West duket se nuk ka në plan të ndalet pasi po shikon që Kim Kardashian dhe Pete Davidson po e shijojnë në maksimum romancën e tyre.
Kanye dyshohet se ka përhapur thashetheme të pabaza për Davidson, duke thënë se ai është homoseksual dhe ka SIDA. Mirëpo, burime për Page Six kanë thënë se pavarësisht kësaj, Kim dhe Pete janë me të vërtetë të lumtur dhe se ajo thjesht dëshiron që edhe Kanye të vazhdojë jetën e tij.
“Kim me të vërtetë dëshiron që Kanye të jetë në paqe me fundin e martesës së tyre dhe të gjejë lumturinë, pavarësisht nëse është me Julia Fox apo dikë tjetër, në mënyrë që ata të mund të fokusohen në rritjen e fëmijëve të tyre së bashku në një mënyrë më pozitive,” tha një burim i brendshëm.
Burimi shtoi se Kardashian po qëndron “e qetë” për shkak të katër fëmijëve të tyre: North, 8 vjeçe, Saint, 6 vjeç, Chicago, 4, dhe Psalm, 2.
"Ajo është e shqetësuar se si të gjitha këto gjëra që po luhen kaq publikisht në fund do të ndikojnë tek fëmijët e tyre në të ardhmen dhe mendon se çdo çështje duhet të zgjidhet privatisht."
Një burim tjetër i afërt me situatën tha se përhapja e supozuar e thashethemeve nga West në përpjekje për të bindur Kim të kthehet tek ai është "në fakt duke i sjellë Pete dhe Kim më afër së bashku".
