(E plotësuar) - Fitoi edicionin e parë të BBV, Iliri rrëfen emocionet e para të fitores!
Ilir Shaqiri është fituesi i edicionit të parë të Big Brother Albania Vip. Ai ishte i fundit që la shtëpinë më të famshme në Shqipëri pas aventurës 136 ditore.
Ai u prit plot entuziazëm në studio nga publiku dhe nga ish-banorët e BBV. Iliri rrëfeu emocionet e tij, ku u shpreh se këtu s’ka ardhur për të fituar por për t’i treguar njerëzve se kush është ai në të vërtetë.
“Unë kam ardhur këtu pas shumë kohësh që t’i tregoj popullit tim që sidoqoftë shkonte kjo gjë unë i dua njerëzit e mi dhe njerëzit e mi janë populli im dhe rrugë tjetër vetëm ta duash.
Unë nuk kam ardhur këtu për të fituar. Unë doja t’i tregoja se kush është Iliri si njeri dhe jo vetëm një kërcimtar. Faleminderit Shqipëri!”- u shpreh Iliri.
***
Iliri Shaqiri është zyrtarisht fituesi i edicionit të parë të “Big Brother VIP Albania”!
Pas një eksperiencë të paharruar, që ka zgjatur më shumë se tre muaj, ai rrëmbeu çmimin e madh prej 100 mijë eurovëve.
Iliri dhe Donaldi, që kanë hyrë në shtëpi që nga dita e parë, janë konsideruar shpesh si konkurrentët më të fortë të këtij reality show. Dy artistët kanë garuar me njëri-tjetrin, teksa e kanë shprehur hapur konkurrencën mes tyre.
Ilir Shaqiri, Donald Veshaj, Einxhel Shkira dhe Beniada Nishani janë banorët që prekën finalen e madhe.
Beniada ishte e para që u eliminua, pas më herët kishte marrë nhjë suprizë nga familjaët e saj dhe nga këngëtari i saj i preferuar, Sinan Hoxha.
Einxhel dhuroi emocione nga takimi me babanë e saj në dhomën e surprizave dhe më pas u eliminua.
Gara vazhdoi në fund mes aktorit Donald Veshaj dhe Ilir Shaqiri. Balerini shkoi në Teatrin e Operas dhe Baletit ku kërceu me nënën, i shoqëruar nga sopranoja Inva Mula. Ndërsa aktori shkoi drejt Pallatit të Kongreseve, ku po ashtu takoi nënën dhe së bashku dëgjuan këngëtarin Alban Skënderaj.
Katër finalistët, përveç mijëra fansave, fituan 10 mijë euro, ndërsa fituesi, i zgjedhur nga votat e publikut merr 100 mijë euro.
