Këngëtarja shqiptare Ronela Hajati që na përfaqësoi këtë vit në Eurovision ka reaguar sërish për mos skualifikimin e mbrëmshëm në këtë kompeticion.
Ajo shkruan në Instagramin e saj se nuk e ka parë akoma performancën e saj dhe se dje doli të pijë, pasi do të harrojë atë që ndodhi.
Ajo shton se performanca e saj në këtë festival ka arritur 1 milionë shikime në Youtube dhe se e ka merituar finalen.
“Ende nuk e kam parë, sepse nuk mundem. Dje dola për të pirë, për të harruar dhe kjo ndodhi! Plus performanca e “Sekret” është 1 milion! Ende e ndjej këtë dhimbje të madhe në gjoks, sepse e merituam këtë finale, por Zoti i di gjërat më mirë! Ju dua!“