Capital T dhe Alban Skënderaj paralajmërojnë bashkëpunimin “Një natë”

Mediale Vip

Capital T dhe Alban Skënderaj paralajmërojnë bashkëpunimin “Një natë”

Më: 23 maj 2022 Në ora: 19:25
Capital T dhe Alban Skënderaj

Dy artistët të njohur dhe tejet të suksesshëm po vijnë në një bashkëpunim.

Bëhet fjalë për reperin Capital T dhe kantautorin, Alban Skënderaj të cilët kanë paralajmëruar këngën e re.

Përmes një postimi në llogaritë e tyre përkatëse në Instagram, dyshja kanë zbuluar se kënga mban titullin “Një natë” dhe pritet të lansohet më 28 maj (e shtunë).

“Një natë”, x Alban Skënderaj, 28.05.22, ruajeni datën”, ka shkruar Capital T në mbishkrimin e imazhit ku shihet bashkë me këngëtarin nga Shqipëria.

Kujtojmë që ky nuk do të jetë bashkëpunimi i parë mes dyshes, ata sollën këngën “Një ëndërr” në vitin 2013 që u prit mirë nga fansat e tyre.

Ndërkohë, të dy mbesin aktive gjatë kësaj periudhe kohore edhe me projekte të tjera muzikore dhe koncerte.

Kënga e fundit e Capital T është “Për dashni”, teksa ajo e Albanit “Dalëngadalë” e lansuar vetëm pak ditë më parë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat