Sot janë të pandarë, por dikur Elgit Doda nuk i kishte aspak qejf vëllezërit Veshaj

Mediale Vip

Sot janë të pandarë, por dikur Elgit Doda nuk i kishte aspak qejf vëllezërit Veshaj

Më: 25 maj 2022 Në ora: 22:40
Donaldi, Elgiti dhe Romeo

Nga ‘urrejtja’ lind dashuria- do ishte fraza perfekte për tu përdorur për rastin e Elgit Dodës dhe dy binjakëve Veshaj që janë bërë të pandarë.

Aq të pandarë sa partnerja e producentit, Klea Huta tha pak ditë më parë se “Elgitin s’po e shoh në shtëpi unë e shkreta. Po e sheh Romeo me Donaldin më shumë se unë.” Ata bashkëpunuan për një këngë një vit më parë dhe duket se aty lindi miqësia. Më pas Elgiti u frymëzua nga lidhja e Donaldit me Bora Zemanin për një triologji të shkruar në bashkëpunim me aktorin.

Kur Donaldi ishte pjesë e “Big Brother VIP” Elgiti ishte një nga mbështetësit më të mëdhenj të tij. Bashkëpunimet dhe miqësia e kthyen edhe atë në protagonist teksa pas mbarimit të formatit ata kanë sjell edhe një bashkëpunim, ‘Picaso’, dhe kanë bashkëpunuar për këngën e Donaldit ‘Nuk je’.

E kur tanimë i shohim kudo bashkë, në fillim Elgiti nuk ka patur një mendim të mirë për vëllezërit nga Vlora. Dhe këtë e ka zbuluar vetë. Ai do jetë i ftuar i radhës në “Më lër të flas” të premten dhe në promon e emisionit Elgiti dëgjohet duke thënë: “Kam patur një mendim për ju që s’ju duroja dot fare”.

Me kalimin e kohës Elgiti ka ndryshuar mendim e tashmë është shndërruar si në ‘vëllain e katërt Veshaj.’

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat