Konfirmon lidhjen për herë të parë, këngëtarja e njohur shqiptare flet për partnerin

Mediale Vip

Konfirmon lidhjen për herë të parë, këngëtarja e njohur shqiptare flet për partnerin

Më: 2 korrik 2022 Në ora: 08:46
Mariza Ikonomi

Sa herë e gjen veten në intervista, këngëtarja e njohur Mariza Ikonomi i përgjigjej njëlloj së njëjtës pyetjeje: “Jam gjithmonë e dashuruar, me jetën, me lulet, me pemët…”. Gjithmonë pyetjen e sikletshme për të rrëfyer publikisht një histori dashurie, Mariza mundohej ta shmangte. Deri sot…

Vetëm një natë më parë, Mariza ka publikuar klipin e këngës “Të dua ty”, në një ambient me miq të ngushtë, kolegë këngëtarë, gazetarë etj.

Pasi i falënderoi të gjithë për mbështetjen, Mariza, më në fund pranoi se “Të dua ty” është një këngë për të dashurin e saj. Ajo rrëfeu se është në një lidhje dashurie prej disa kohësh, të cilën, tani vendosi edhe ta bëjë publike.

Image
Mariza Ikonomi

E ftuar te “Rudina” në Tv Klan, Mariza tha që “tani do ta pranoj, s’kam ç’të bëj”. Të gjithë miqtë e ngushtë të saj, e dinë këtë lidhje prej kohësh, përfshirë edhe Dasara Karaiskaj, por ama “nuk flasin”.

“Në fakt, dua të them shumë, por është bekim kur je e rrethuar nga dashuria. Dje e kam ndier veten të rrethuar nga dashuria 100 për qind” – tha këngëtarja pa e zbuluar identitetin e partnerit të saj. Natyrisht, ai ishte i pranishëm në prezantimin e klipit të saj:

“Ishte prezent, nëpër cepat e telajos, në çdo cep të telajos”, – shtoi ajo, sërish e rezervuar për të zbuluar më shumë.

Urimin e mikeshës së saj, Dasara Karaiskaj, për të qenë së shpejti nënë e vajze, Mariza do ta priste me shumë kënaqësi:

“Unë, në fakt, ndoshta edhe për shkak të këtij instinktit të mëmësisë, kam dashur gjithmonë vajzat. Patjetër, edhe djemtë, por nuk e di pse, ngaqë jemi familje gocash. Por edhe kur ka ardhur nipi pastaj, e ndryshoi komplet. Patjetër që më pëlqen, familja është e shenjtë, e shtrenjtë dhe është ndryshe të flasësh, por kur ke vajzë, është e konkretizuar dhe të duket ndryshe.”

Partneri, shtoi më tej Mariza, është artist në shpirt, por nuk merret me art. Ka shije artistike shumë të mirë, por nuk është u fushës artistike, megjithatë është kritik mjaft i mirë i saj.

Për mënyrën se si janë njohur, Mariza nuk foli gjatë, por tha se ishte koha e duhur:

“Ka qenë një mbrëmje mes yjeve, mes hënës, në plazh. Kanë qenë të gjitha kushtet për të rënë në dashuri”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat