Selena Gomez flet për dëshirën për t’u martuar dhe bërë nënë, si dhe shkëputjen nga Instagram-i

Mediale Vip

Selena Gomez flet për dëshirën për t’u martuar dhe bërë nënë, si dhe shkëputjen nga Instagram-i

Më: 11 gusht 2022 Në ora: 15:36
Selena Gomez

Selena Gomez, në të ardhmen e sheh veten të martuar dhe me një bebush/e që e thërret “mami”. Në episodin e ri të podkastit “Giving Back Generation”, artistja zbuloi më shumë rreth dëshirave të saj në të ardhmen.

“Shpresoj të martohem dhe të bëhem nënë”, u shpreh Selena, duke theksuar se në fund, do të lodhej nga e gjitha kjo dhe me shumë mundësi do t’i përkushtohej filantropisë.

Gjithashtu, këngëtarja dhe aktorja u ndal edhe te rëndësia e një pauze nga rrjetet sociale dhe dobia e kësaj në shëndetin mendor. “Unë jam ekstremiste. Ose është njëra mënyrë, ose tjetra”, tha Selena dhe më pas shtoi: “Pra, unë hoqa dorë nga Instagram-i dhe telefoni dhe ia dhashë këtë fuqi asistentes sime. Kështu që, përpara postimeve, i dërgoj asaj një mesazh dhe nuk shqetësohem për të hyrë apo dalë (nga Instagram-i). As kodin nuk e di”.

Ajo inkurajoi të gjithë të bënin një pushim nga rrjetet sociale, qoftë edhe për pak ditë. “Ndoshta të marrësh fundjavën pushim, apo ta nisësh ditën pa i kushtuar rëndësi dhe të qëndrosh prezent/e në të tashmen. Mendoj se është kaq e rëndësishme dhe pjesë e shëndetit mendor”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat