Tom Holland bën pauzë nga rrjetet sociale

Mediale Vip

Tom Holland bën pauzë nga rrjetet sociale

Më: 16 gusht 2022 Në ora: 14:55
Tom Holland

Tom Holland thotë se po largohet nga rrjetet sociale për t’u fokusuar në shëndetin e tij mendor.

Ylli i ” Spider-Man: No Way Home”, i cili ka munguar në platformat digjitale javët e fundit, bëri një kthim kalimtar në Instagram të dielën për të njoftuar se kishte fshirë Instagramin dhe Twitterin.

Në videon tre minutëshe, aktori 26-vjeçar tha se aplikacionet e mediave sociale ishin bërë “të dëmshme” për gjendjen e tij mendore dhe se ai “nuk ndihet mirë” kur lexon gjëra për veten në internet.

“Kam bërë një pushim nga mediat sociale për shëndetin tim mendor, sepse mendoj se Instagram dhe Twitter janë tepër stimuluese, të dëmshme”, u tha ai 67.7 milionë ndjekësve të tij.

“Ndihem keq kur lexoj gjëra për veten në internet dhe në fund të fundit është shumë e dëmshme për gjendjen time mendore. Kështu, vendosa të bëj një hap prapa dhe të fshij aplikacionin”, tha ai.

Holland, i cili aktualisht është në lidhje me bashkë-yllin e tij të “Spider-Man: Homecoming”, Zendaya, përdori gjithashtu kthimin për t’ua bërë me dije ndjekësve rëndëinë e shëndetit mendor.

“Ekziston një stigmë e tmerrshme kundër shëndetit mendor dhe unë e di se të kërkosh ndihmë nuk është diçka për të cilën duhet të kemi turp”, shtoi ai.

Ai përfundoi duke u thënë fansave se “do të largohej përsëri nga Instagrami”, por i falënderoi për “dashurinë dhe mbështetjen” e tyre.

“Unë ju dua të gjithëve dhe do t’ju flas së shpejti”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat