Christina Aguilera hoqi Britney Spears nga Instagrami për shkak të një postimi ku Britney bullizoi kërcimtarët e Aguilera-s.
Spears postoi një shkrim të gjatë pasditen e së hënës, ku mes të tjerash shkruhej:
"Nëse do të kisha kërcimtarët e Christina Aguilera, do të dukesha jashtëzakonisht e vogël".
Këngëtarja e shkroi mesazhin së bashku me një citim të Rodney Dangerfield që thoshte:
"Kam kuptuar se ka vetëm një mënyrë për t'u dukur i dobët: të shoqërohesh me njerëz të shëndoshë".
Postimi i Spears mori reagime dhe kritika të shumta.
"Bullizimi i të tjerëve nuk është një lëvizje e zgjuar," komentoi një përdorues i Instagramit.
"Duhet ta fshish këtë," sugjeroi një tjetër.
“Kjo është e vrazhdë. Jam e zhgënjyer, Britney”, shkroi një fans i tretë.
“Nuk ka nevojë të ulësh një grua tjetër që të ndihesh më mirë me veten. Përqendrohu në shërimin tënd”, tha një tjetër.
Pasi i bëri “unfollow” Britney-t, Aguilera ende nuk i është përgjigjur publikisht postimit që kritikonte trupat e kërcimtarëve të saj.
Në fillim të kësaj jave, Britney pranoi për ndjekësit e saj në Instagram se ajo "në mënyrë të pandërgjegjshme" dëshiron të "fyejë njerëzit" sepse ajo vetë "është fyer vazhdimisht" gjatë gjithë jetës, veçanërisht gjatë konservatorit të saj.
