Rrufetë godasin pranë stadiumit, Lady Gaga detyrohet që të anulojë koncertin e saj në Florida

Mediale Vip

Rrufetë godasin pranë stadiumit, Lady Gaga detyrohet që të anulojë koncertin e saj në Florida

Më: 18 shtator 2022 Në ora: 15:26
Lady Gaga

Lady Gaga u detyrua të ndalonte koncertin e saj të fundit në turneun Chromatica Ball në Florida pas një stuhie të fortë.

Këngëtarja po i afrohej fundit të shfaqjes së saj kur rrufetë filluan të godasin rreth stadiumit Hard Rock në Miami.

“Ne thjesht duhet ta ndalim koncertin për një minutë”, u tha ajo 65.000 njerëzve që ndodheshin në stadium, duke i këshilluar ata që “të qëndronin të qetë teksa lëviznin në zonën e brendshme”.

Edhe pse Lady Gaga kishte shpresuar se stuhia do të kalonte, koncerti përfundimisht u anulua.

Ylli i popit me lot në sy u kërkoi falje fansave në një postim në Instagram.

“Ne vërtet u përpoqëm ta përfundonim koncertin sonte në Miami, por nuk mundëm sepse edhe kur shiu pushoi, rrufeja goditi në tokë aq afër nesh”, tha ajo, ende e veshur me veshjen e saj skenike dhe duke fshirë shiun nga fytyra e saj.

Më pas vazhdoi: “Unë nuk e di se çfarë do të bëja nëse diçka do t’i ndodhte dikujt në audiencë ose ndonjë anëtari të ekuipazhit tim.”

Më pas këngëtarja mori një buqetë me trëndafila që një fans i kishte hedhur në skenë. Përpara se koncerti të anulohej, fansat u mblodhën nën pjesën e mbuluar të stadiumit dhe kënduan hitin e Gaga-s Rain On Me.

Edhe pse më vonë u kthyen në vendet e tyre, organizatorët vendosën se nuk ishte e sigurt që koncerti të vazhdohej.

Gaga, së cilës i kishin mbetur rreth gjashtë këngë për të interpretuar, u ngjit në skenë për të njoftuar anulimin duke thënë: “Nuk dua t’ju vendos në rrezik jetën. Shkoni në shtëpi të sigurt, Zoti ju bekoftë dhe ju falënderoj që erdhët në shfaqje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat