“Të gjithë më pyesin për shëndetin tënd”/ Einxhel i bën dedikimin prekës nënës së saj për ditëlindje: Ilaçi yt ishte…

Mediale Vip

“Të gjithë më pyesin për shëndetin tënd”/ Einxhel i bën dedikimin prekës nënës së saj për ditëlindje: Ilaçi yt ishte…

Më: 5 tetor 2022 Në ora: 19:34
Einxhel

Moderatorja Einxhel Shkria i ka dedikuar disa rreshta prekës nënës për ditën e saj të lindjes.

Teksa e uron për një jetë të gjatë e të lumtur, Einxhel Shkira njoftoi ndjekësit e saj se nëna është më mirë nga ana shëndetësore dhe “ilaçi ka qenë lumturia”.

Einxhel thotë se nëna e saj është gruaja më e lumtur në botë që ditëlindjen tjetër do e festojë me nipin në krahë, por i ka ‘premtuar’ edhe një mbesë.

“Vjet dëshira e saj për ditëlindje ishte të hyja në ‘BBV’ pa e ditur se ai ‘qiri’ do i plotësonte më shumë se thjesht një dëshirë. Tashmë të njohin të gjithë dhe të adhurojnë pavarësisht se nuk të kanë takuar kurrë! Të duan aq shumë sa unë emocionohem kur vijnë me vrap kudo që më shohin thjesht të më pyesin ‘Si është mami Lola?’ Për të gjithë ata që nuk më kanë takuar dot, por më shkruajnë shpesh për ty, dua t’ju them që edhe pse sot është hera e fundit që feston thjesht si nënë ditëlindjen, ajo është gruaja më e lumtur në botë që vitin e ardhshëm, dashtë Zoti, do e festoj me nipin e saj në krahë. Lumturia paska qenë ilaçi çudibërës për të! Shpresoj që bebi të trashëgojë jo vetëm bukurinë, por të gjithë mirësinë e shpirtit tënd. Të duam shumë, unë, bebi dhe Dagz”- shkroi Einxhel në ‘Instagram’.

Einxhel dhe Dagz janë në pritje të fëmijës së tyre të parë i cili është djalë. Çifti e nisi romancën brenda shtëpisë së Big Brother, dhe fryti i dashurisë së tyre do të vijë në jetë së shpejti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat