Flori Mumajesi në lidhje dashurie me gruan e zyrtarit qeveritar shqiptar?

Mediale Vip

Flori Mumajesi në lidhje dashurie me gruan e zyrtarit qeveritar shqiptar?

Më: 24 nëntor 2022 Në ora: 14:51
Flori Mumajesi

Historia e dashurisë së këngëtarit Flori Mumajesit dhe Elvana Gjatës është folur e stërfolur në media gjerë e gjatë, ndërsa ndarja e tyre e bujshme vazhdon të diskutohet në publik.

Madje, fansat e dyshes kanë shpresuar prej kohësh se ata janë rikthyer me njëri-tjetrin, ndërsa çdo baladë të Florit e marrin si dedikim për Elvanën. Flori vërtetë shpreh zemrën në rreshta tek të gjitha këngët e tij dhe ia njohim të gjitha vuajtjet, por ju tregojmë se nuk janë për Elvanën!

Prej kohësh tashmë, ai po jeton një histori të re dashurie me një personazh që jo pak e njohin në publik. Burime ekskluzive për “iconstyle.al” tregojnë se kantautori është në një lidhje me bashkëshorten e një qeveritari shqiptar. Po po, siç e lexuat! Bashkëshorten. Herës tjetër do t’ju tregojmë inicialet e tyre.

Ndaj edhe postimet e fundit të Florit ku shfaqej i prekur, i dashuruar, i lënduar, emocional teksa tentoi të fshinte këngët e tij, vinin të gjitha nga uljet e ngritjet e marrëdhënies së tij të fundit që ka trazuar paksa ujërat.

Disa vite romancë e kanë bërë Florin të hedhë në letër ndjenja të forta, duke i sjellë në formën e projekteve që publiku i dashuron.

Projekti i fundit i Mumajesit, i publikuar pas zhurmës së madhe në rrjet, titullohet “Mbaroj për ty”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat