‘’Kam të thyer një brinjë’’, këngëtarja nga Kosova rrëfen aksidentin e rëndë që pësoi në Tiranë

Mediale Vip

‘’Kam të thyer një brinjë’’, këngëtarja nga Kosova rrëfen aksidentin e rëndë që pësoi në Tiranë

Më: 28 nëntor 2022 Në ora: 20:12
Vjollca Haxhiu

Vjollca Haxhiu ka bërë një rrëfim tronditës për një ngjarje që i ka ndodhur disa javë më parë në Tiranë.

Këngëtarja e njohur u aksidentua teksa po ecte në vijat e bardha bashkë me mikeshën e saj, Nera Fejzullahu, bashkëshortjen e Sabri Fejzullahut.

E ftuar në Prive, Haxhiu ka treguar se tani ende po rikuperohet duke zbuluar edhe pasojat e aksidentit.

“Unë jam një shofere e mirë, faleminderit Zotit nuk kam patur aksidente me makinë, por më ndodhi sa isha në këmbë, isha në Tiranë tre ditë para xhirimeve, unë isha e koncentruar në projektin, dhe isha duke ecur rrugëve në vija të bardha, makinat ishin ndalur ndërsa vjen një motoçikleta dhe direkt e në mua, unë kam shpëtuar por ka mundur të jetë më e tmerrshme, mu ka thyer një brinjë dhe këmbën e kam pak të lënduar, më duhet të qëndroj në regjim shtrati, shoferit ia fala, për momentin e kam një brinjë të thyer por me kohë rikuperohet vetë. Jam e lumtur që ka kaluar ky moment, projektin e finalizova përkundër aksidentit”, është shprehur këngëtarja.

Tutje Vjollca tha se Nera edhe pse nuk ishte e përfshirë në aksident e ka përjetuar rëndë gjithë ngjarjen duke qenë dëshmitare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat