Incidenti në emision: Ronela revoltohet me komentet e ndjekësve

Mediale Vip

Incidenti në emision: Ronela revoltohet me komentet e ndjekësve

Më: 5 dhjetor 2022 Në ora: 11:31
Ronela Hajati

Ronela Hajatit nuk i kanë pëlqyer aspak komentet e njerëzve pas performancës e saj në emisionin spanjoll “Mediafest night fever”.

Teksa performonte, Ronela pati një problem me mikrofonin, incident i cili nuk ka kaluar pa u komentuar, përpos peshës dhe veshjes së saj.

“Para disa ditësh isha e ftuar në ‘Mediafest night fever’, një nga emisionet më të ndjekura në Spanjë dhe ka qëllim argëtimin! [...] Në fillim më ndodhi një incident i vogël, mikrofoni u shkëput, ra dhe u thye. Sado që doja ta vazhdoja, ishte e pamundur. E kalova me sportivitet dhe e nisa edhe njëherë.” – shkruan ajo.

Ndërkohë që performanca e saj u rendit e treta dhe emri i saj ishte i 12-ti më i kërkuar në Spanjë, nëpër faqet shqiptare, sipas Ronelës, u publikua vetëm momenti kur i bie mikrofoni.

“Nuk e di nga na buron kjo ligësi për njëri-tjetrin, ama unë të paktën po përpiqem të bëj diçka dhe do, s’do, u këndua shqip në një emision të huaj. Të mos flas pastaj për komentet për peshën dhe dukjen time që nuk përfundojnë kurrë!”

Në fund të postimit, ajo u kërkon njerëzve që të jenë më pozitivë. “Sidomos për gjakun tënd, për njëri-tjetrin sepse gjithë ky negativitet që nxjerrim i shtyn njerëzit përditë të mendojë: Dua të iki sa më parë nga ky vend! Kur mund të bëjmë gjëra të mrekullueshme këtu!”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat