Ramadan Krasniqi – Dani: Lutemi për shpirtin tënd Gjikla

Mediale Vip

Ramadan Krasniqi – Dani: Lutemi për shpirtin tënd Gjikla

Më: 6 dhjetor 2022 Në ora: 00:30
Ramadan Krasniqi – Dani

Këngëtari i njohur nga Peja, Ramadan Krasniqi – Dani, ka shprehur ngushëllime pas vdekjes së artistit dhe drejtorit menaxhues të Telegrafit, Arlind Gjikolli – Gjikla.

Në llogarinë e tij në Facebook, Krasniqi ka thënë se Gjikla ishte djalë urban shumëdimensional, i cili i dha frymë rep muzikës.

“Lutemi për shpirtin tënd Gjikla, ti që i dhe frymë e jetë Rep muzikës! Djali urban shumëdimensional! Familje Gjikolli bëhuni të fortë! Me pikëllim Dani”, ka shkruar ai.

Ndryshe, Gjikla, siç e quanin të gjithë të afërmit dhe miqtë, ishte themeluesi dhe shtylla krijuese e grupit WNC nga Peja, që zhanrin e muzikës rep në Kosovë e çoi në një stad më të zhvilluar, qoftë me tekste të angazhuara, me muzikë apo me interpretim.

“Çka kom pasë”, “Qikat e mira”, “Për ty” …  janë disa nga këngët e këtij grupi, që edhe sot dëgjohen dhe frymëzojnë gjeneratat e reja.

Pas grupit WNC, Gjikla ka vazhduar edhe solo-karrierën, me tekste që kundërshtonin anomalitë e shoqërisë së Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat