Këngëtari Luiz Ejlli është bërë portagonist i spektaklit Big Brother VIP Albania edhe mbrëmjen e së shtunës.
Pas një diskutimi të zhvilluar me opinionistët e spektaklit, Luizi ka refletkuar mbi disa deklarata të tij të thëna këto javë në shtëpi.
Ai ishte shprehur kundër komnunitetit LGBT+, përkatësisht homoseksualëve duke thënë: “Kur i shoh dy meshkuj që puthen bashkë plot pasion dhe më thotë djali: O babi pse puthen ata njësoj siç puth ti mamin? Çfarë t’i them. Është jo normale”.
Mirëpo mbrëmjen e së shtunës, ai tha se i vjen keq për atë çfarë deklaruar dhe i ka kërkuar falje publike të gjithë komunitetit LGBT+.
Ejlli tha se mund të ketë qenë fjalori i tij i varfër, ai që e ka bërë të paraqitet më keq se sa që duhet qëndrimin e tij që ka karshi njerëzve të këtij komuniteti.
Megjithatë këngëtari shkodran pranoi se në qoftë se në ndonjë të ardhme të afërt, dikush nga ky komunitet futet në shtëpinë e BBVA, do ta trajtojë njëjtë pa paragjykime, si të gjithë banorët e tjerë.
Disa prej banorëve të tjerë nuk e kanë besuar këtë deklaratë të Luizit, duke e quajtur si lojë për të përfituar fillimisht simpatinë e pjesëtarëve kundër komunitetit LGBT+, e më pas për të bërë sikurse ka gabuar dhe kërkon falje, për të fituar edhe simpatinë e pjesës tjetër.
