Këngëtarja e njohur shqiptare, Linda Halimi, është kthyer në vëmendjen e mediave që pas hyrjes së saj në spektaklin Big Broiher VIP Kosova.
Ajo njihet në publik si këngëtarja e shumë hiteve dhe çmimeve të fituara në festivale, por përpara se të merrej me muzikë, ajo ushtronte një profesion krejt tjetër.
Artistja me origjinë nga Vitia e ka nisur karrierën e saj duke punuar si përkthyese në kampin amerikan ‘Bondsteel’ në Ferizaj, ku aso kohe ka punuar me mision të veçantë edhe bashkëshorti i saj, Edwards Davon i njohur ndryshe si Big D.
Linda vite më parë në një intervistë për Jonida Shehun kishte treguar se lidhja e saj me Big D dhe marrja me muzikë i kishte kushtuar me përjashtim nga puna nga ky kamp.
“E dija se mbaroi puna ime aty domethënë. Se si me thënë kur të mbyllet një derë, të hapet një tjetër. U dëshpërova në fillim sepse normal ishte rroga emirë, kampi Bondsteel, paguaja faturat, kisha mundësi t’i ndihmoja edhe familjes. Edhe gjithçka u ndërpre. Dhe menaxheri më tha: ‘Më mirë e bëjmë që të mos dalësh ti keq, thuaj që po e lë vet punën sepse tash je e famshme’”.
