Avokati i Justin Baldonit sulmon Blake Lively për manipulim ligjor

Mediale Vip

Avokati i Justin Baldonit sulmon Blake Lively për manipulim ligjor

Më: 21 mars 2025 Në ora: 16:58
Blake Lively dhe Justin Baldoni

Avokati i Justin Baldonit, Bryan Freedman, ka akuzuar Blake Lively-n për manipulim të sistemit ligjor, pasi ajo kërkoi të hidhej poshtë kundërpadia e ngritur nga Baldoni.

Ai e cilësoi këtë veprim si një abuzim të hapur të drejtësisë nga një “elitë e privilegjuar”.

Lively e akuzoi Baldonin për ngacmim seksual në dhjetor, ndërsa Baldoni u kundërpërgjigj me një padi prej 400 milionë dollarësh (rreth 368 milionë euro) për shpifje dhe zhvatje ndaj saj, bashkëshortit të saj Ryan Reynolds dhe publicistes Leslie Sloane.

Të dyja palët i kanë mohuar akuzat kundër njëra-tjetrës.

Ekipi ligjor i Lively argumenton se padia e Baldonit është një hakmarrje për denoncimin e saj dhe bie ndesh me ligjin e Kalifornisë që mbron viktimat e ngacmimit seksual.

Avokatët e Baldonit, nga ana tjetër, pretendojnë se Lively dhe Reynolds kanë përdorur ndikimin e tyre për të kontrolluar prodhimin e filmit “It Ends with Us”.

Gjykata po shqyrton kërkesën e Lively për të mbajtur konfidenciale disa prova, ndërsa Baldoni kërkon që ato të bëhen publike, duke pretenduar se aktorja i ka përdorur akuzat për përfitime mediatike.

Në mes të këtij konflikti, të dyja palët pretendojnë se kanë marrë kërcënime dhe abuzime në internet. 

comment Për komente lëvizni më poshtë
Sot mund të lexoni Shfletoni kopertinat