Kryeministri i Kosovës në detyrë, Albin Kurti, ka shprehur përkrahjen e tij për përfaqësuesen e Shqipërisë në `Eurovision 2025`, grupin Shkodra Elektronike, që këtë vit konkurron me këngën “Zjerm”.
Përmes një postimi në Facebook, Kurti u ka bërë thirrje shqiptarëve kudo që ndodhen që të votojnë për Shqipërinë.
“Zjerm në Eurovision! Të dashur vëllezër e motra shqiptar kudo që jeni, votoni për Shkodrën Elektronike!
Vazhdo me shndrit, shndrit, shndrit!”, ka shkruar Kurti, teksa ka bashkëngjitur dhe fotografi me sqarimin se si mund të votohet.
