Pas disa javësh performancash të paharrueshme dhe kulmesh emocionale, “American Idol” ka shpallur fituesin.
Jamal Roberts nga Meridian, Misisipi, mori titullin gjatë finales së sezonit të 23-të më 18 maj.
Njoftimi erdhi nga prezantuesi prej kohësh Ryan Seacrest, ndërsa Roberts qëndroi pranë finalistëve të tjerë John Foster dhe Breanna Nix, të cilët përfunduan përkatësisht në vendin e dytë dhe të tretë.
Udhëtimi i Jamalit nuk u përcaktua vetëm nga talenti, por ishte një histori qëndrueshmërie, qëllimi dhe zemre.
Përpara se t’i bashkohej “American Idol”, ai garoi në Sunday Best të BET, ku arriti në tre vendet e para.
Roberts e bëri të qartë gjatë gjithë sezonit se qyteti i tij i lindjes, Meridian, ka një kuptim të thellë për të. Në audicionin e tij të parë, ai foli sinqerisht për sfidat me të cilat përballet komuniteti, duke përfshirë krimin dhe frikën.
Por, në vend që të përqendrohej te aspektet negative, Jamal pa një mundësi për të frymëzuar ndryshimin përmes muzikës.
“Këtu kam lindur dhe jam rritur”, tha ai. “Mund të jetë shumë më mirë nga ç’është tani. Kështu që shpresoj se mund t’i sjell pak dritë”.
Megjithatë, kjo dritë fillon në shtëpi. Jamal është babai krenar i tre vajzave, Harmoni, Lyrik dhe Gianna.
Këngëtari me këtë rast ka marrë plot 110 mijë euro.
