Vrasja në Gjakovë, Londrimi ngushëllon Elijonën për humbjen e axhës

Mediale Vip

Vrasja në Gjakovë, Londrimi ngushëllon Elijonën për humbjen e axhës

Më: 18 mars 2026 Në ora: 20:13
Londrimi dhe Elijona Binakaj

Rasim Binakaj, 38-vjeçari që humbi tragjikisht jetën mëngjesin e së hënës si pasojë e plagëve nga arma e zjarrit në Gjakovë, është xhaxhai i ish-finalistes së “Big Brother VIP Kosova 4”, Elijona Binakaj.

Lajmi për vdekjen e tij ka tronditur jo vetëm familjen, por edhe komunitetin lokal, duke lënë një boshllëk të madh mes të njohurve dhe të afërmve.

Në këto momente të vështira, shumë figura publike kanë shprehur ngushëllimet e tyre. Një prej tyre është fituesi i edicionit të fundit të “Big Brother VIP Kosova”, Londrim Mekaj, i cili përmes një postimi në Instagram ka shprehur solidaritetin dhe dhimbjen e tij për familjen Binakaj.

“Ngushëllime e mia më të sinqerta familjes Binakaj”, ka shkruar Londrimi, duke treguar mbështetjen dhe respektin për dhimbjen e afërmve. Komentet e shumta në rrjetet sociale shfaqin trishtimin dhe solidaritetin e qytetarëve me humbjen e papritur të Rasim Binakajt, duke theksuar se komuniteti ndihet i goditur nga kjo tragjedi.

comment Për komente lëvizni më poshtë
Sot mund të lexoni Shfletoni kopertinat