Ardian Bujupi, Yanina, DJ PM dhe DJ Dagz kanë bashkuar forcat për një projekt të ri muzikor, i cili pritet të jetë një nga bashkëpunimet më të komentuara të kësaj vere.
Lajmin e kanë bërë të ditur vetë artistët përmes një postimi të përbashkët në rrjetin social Instagram, ku kanë zbuluar se kënga e re mban titullin “Pam Pam”.
Njoftimi ka ngjallur menjëherë interesim të madh tek fansat, të cilët mezi po presin publikimin e projektit.
Në postimin e tyre, artistët kanë treguar edhe datën dhe orarin e publikimit. “Pam Pam” do të jetë e disponueshme për dëgjim në platformën Spotify sonte nga ora 23:59, ndërsa videoklipi zyrtar do të publikohet nesër në ora 14:00 në YouTube.
Mbetet të shihet se si do të pritet projekti nga publiku, por reagimet e para në rrjetet sociale tregojnë se fansat janë mjaft entuziastë për këtë publikim.