Komuna e Prishtinës hap tender 350 mijë euro për trajtimin e qenve endacakë

Prishtina

Komuna e Prishtinës hap tender 350 mijë euro për trajtimin e qenve endacakë

Më: 7 maj 2022 Në ora: 19:18
Ilustrim

Qentë endacakë po vazhdojnë të jenë problem tash e sa vite në Prishtinë, teksa kohëve të fundit janë raportuar raste të shumta të sulmeve.

E për trajtimin e këtij problemi, Komuna e Prishtinës ka hapur dje një tender në vlerë prej 350 mijë euro.

Sipas njoftimit, afati i fundit për pranim të aplikimeve është më 23 maj.

Qentë endacakë në kryeqytet mbesin një nga shqetësimet kryesore, marrë parasysh rrezikun e vazhdueshëm që iu kanoset qytetarëve.

Rasti i fundit i sulmit nga qentë endacakë ishte gjatë ditës së sotme. Në një video të siguruar nga teve1.info, shihet se diku rreth tetë qenë endacakë i sulen një djali të ri, afër stacionit të autobusëve në kryeqytet.

Sipas të dhënave të publikuara, në 12 muajt e vitit 2021 u regjistruan mbi 200 sulme nga qentë endacakë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat