Shefja e Survejancës në ISHP, Eugena Tomini, ka paralajmëruar se do të ketë rritje rastesh me COVID-19 në javët në vazhdim.
Sipas saj, shkak për këtë janë bërë grumbullimet e qytetarëve gjatë festave, të cilët nuk i kanë respektuar rregullat e vendosura nga Komiteti i Ekspertëve.
“Pavarësisht rekomandimeve të nëjpasnjëshme përkundrejt minimizimit sa më shumë të këtyre grumbullimeve, sigurisht që grumbullime ka patur. Parashikimet përkundrejt 3 javëve në vijim sjellin një trend në rritje të rasteve me COVID”, tha tomini në A2CNN.
Kujtojmë se nga dita e nesërme do të rikthehen masat kufizuese që ishin para festave, ku lëvizja e qytetarëve do të lejohet deri në orën 22:00.
