Bardhi: SPAK ka në dorë faktet! Drejtësia ta çojë pas hekurave

Shqipëria

Bardhi: SPAK ka në dorë faktet! Drejtësia ta çojë pas hekurave

Më: 30 prill 2021 Në ora: 22:02
Gazment Bardhi

Drejtuesi politik i PD në qarkun e Elbasanit, Gazment Bardhi ka vijuar me denoncimin ndaj Belinda Ballukut, ku del qartë se ka blerë vota me legalizimet e banesave.

Sipas Bardhit, Balluku mund të mashtrojë për 1 ditë, por nuk e mashtron dot SPAK, që ka në dorë provat e blerjes së votave përmes legalizimeve.

‘Një drejtësi pa ndikim nga qeveria duhet ta çojë Belinda Ballukun pas hekurave të burgut’, shkruan Bardhi në Facebook.

Postimi i plotë i Gazement Bardhit:

Belinda Balluku mund të mashtrojë për 1 ditë, por nuk e mashtron dot SPAK, që ka në dorë provat e blerjes së votave përmes legalizimeve. Një drejtësi pa ndikim nga qeveria duhet ta çojë Belinda Ballukun pas hekurave të burgut.

Faktet janë kokëforta:

1. Shtabi elektoral i Belinda Ballukut, me në krye drejtuesen e shtabit, Laureta Omeri mbledhin të dhënat e banorëve të zonës elektorale të Belinda Balkukut për të kryer legalizimin para zgjedhjeve. Ky është përdorim i  burimeve shtetërore për qëllime partiale dhe elektorale dhe ndëshkohet me burg.

2. Zyrat e Kadastrës janë vënë në dispozicion të shtabit elektoral të Belinda Ballukut për të bërë legalizime në masë deri të premten para zgjedhjeve.

3. Belinda Balluku nuk u shërben qytetarëve, por blen vota me legalizimet në kundërshtim me ligjin. Në 24 prill grupi i krijuar për legalizimet në Kombinat u shpërbë pa patur më interes për gjoja shërbimin ndaj qytetarëve.

Ky i Belinda Ballukut është një krim elektoral, që ka deformuar vullnetin e qytetarëve. Votat e blera edhe me mënyra të tjera nuk do ta shpëtojnë Belinda Balkukun nga drejtësia!

commentFirst article
Sot mund të lexoni Shfletoni kopertinat