Artan Hoxha: Si zbulova parcelat me kanabis në Malësi të Madhe

Shqipëria

Artan Hoxha: Si zbulova parcelat me kanabis në Malësi të Madhe

Më: 9 shtator 2021 Në ora: 18:47
Artan Hoxha

Gazetari investigativ Artan Hoxha, tregoi sot në studion e Zona Zero në Top News se si zbuloi parcelën me kanabis në Malësinë e Madhe.

Ai madje zbuloi se si kriminelët kishin përdorur sistem monitorimi të sofistikuar për t'iu shmangur policisë.

"Atje ku kam qenë unë, ata kishin minimizuar kostot, mbanin 10-12 roje dhe kishin thirrur një ish-ushtarak që i kishte instaluar një sistem monitorimi.

Nuk çoja dot dronin, një zonë pranë zonës së banuar, dhe s’po më punonte droni dhe më bëri habi.

Kjo ndodhi prej izolimit të COVID-it. Çmimi i kanabisit që prodhohet nga shtëpitë e barit është më i lartë nga kanabisi që rritet në fusha. Gjithë eksperiencën që kishin marrë në Angli në shtëpitë e barit filluan ta bëjnë këtu në ambjente gjysmë të hapura, sera. Një nga hangarët e parë që janë kapur janë ato te hekurudhat.

Shumë raste që janë kapur në Laç e Kurbin etj, janë kapur se kanë pasur shpenzim të madh të energjisë elektrike. Se policia po bashkëpunon dhe me OSHEE. Rasti i fundit që u kap te Kodra e Diellit, ishte një apartament. Po kalojnë në zona rezidenciale se fitimi është i madh. Ata kishin marrë gjithë papafingon e një pallati, e kishin përshtatur, është një infrastrukturë e tërë. Në Shqipëri ka profesionistë për këtë punë, kanë buxhet për modifikime të tilla që e bëjnë të vështirë për t’i goditur. Si në sistemet e hapura që përdorin teknologji. Sofistikimet që kanë janë të llahtarshme.

E keni vënë re që në malet që u dogjën gjatë verës asnjë nuk kishte parcela me kanabis. Si ka mundësi? E pra, janë djegur këto zona që s’kanë gjë si në Karaburun a Tragjas, për të dërguar gjithë vëmendjen e shtetit dhe policisë tek zjarret në mënyrë që krimi bëhej në qetësi dhe në heshtje të plotë," tha Artan Hoxha.

comment Për komente lëvizni më poshtë
Sot mund të lexoni Shfletoni kopertinat