Akuzohet për “Shpërdorim Detyre” dhe “Mashtrim”, lihet në brurg Komisari në Elbasan

Shqipëria

Akuzohet për “Shpërdorim Detyre” dhe “Mashtrim”, lihet në brurg Komisari në Elbasan

Më: 3 dhjetor 2021 Në ora: 18:06
Foto ilustrim

Shërbimi për Çështjet e Brendshme dhe Ankesat (SHÇBA) e ka vendosur masën e sigurimit personal “Arrest me burg” për Komisarin Fatmir Alia me detyrë Shef i Zyrës së Kërkimit “Fast Albania” pranë Drejtorisë Operacionale në DPPSH.

46-vjeçarit akuzohet për veprat penale “Shpërdorim Detyre”, “Kallëzim i rremë” dhe “Mashtrim”.

Në kuadër të këtij procedimi penal, Drejtoria Rajonale e SHÇBA Elbasan ka arrestuar më parë në kuadër të ekzekutimit të vendimeve të Gjykatës edhe punonjësin e policisë Inspektor Sokol Fana, pjesë e strukturës operacionale të “Fast Albania” dhe shtetasin K.H., person me precedent penalë dhe kriminalë në fushën e trafikimit të narkotikëve.

Veprimet dhe aktet proceduriale të përpiluara u vunë në dispozicion të Prokurorisë Elbasan. Hetimet vazhdojnë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat