Ç’ndodhi në seancën për masën e sigurisë ndaj ish-deputetit Alqi Bllako, avokati pyetet nëse kishte plan për t’u arratisur

Shqipëria

Ç’ndodhi në seancën për masën e sigurisë ndaj ish-deputetit Alqi Bllako, avokati pyetet nëse kishte plan për t’u arratisur

Më: 2 prill 2022 Në ora: 13:06
Avokati i ish-deputetit të PS, Alqi Bllako

Avokati i ish-deputetit të PS, Alqi Bllako, i pyetur nga mediat nëse klienti i tij kishte tentuar arratisjen gjatë kohës që policia e kërkonte për të ekzekutuar urdhrin e arrestit të SPAK, tha se ato që janë deklaruar në media “nuk do të thotë se tregojnë të vërtetën”.

Seanca e rivlerësimit të masës së sigurisë në GJKKO zgjati rreth dy orë dhe u zhvillua me dyer të mbyllura. Gjyqtarja Irena Gjoka vendosi ta lërë në qeli ish deputetin e PS. Ndërkohë që vetë Bllako ka zgjedhur të mos flasë, por të përfaqësohet nga avokati i tij.

Pyetje: U zhduk klienti juaj madje thuhet se ka qenë dhe në Kosovë drejt arratisjes
e për faktin se policia nuk po e gjente?

Sokol Hazizaj: Mendoj që urdhrat e ekzekutimit të vendimeve të gjykatës nga organi procedurial nuk janë urdhrat e medias, ju nuk arrestoni, ju jeni të lirë të flisni por kjo nuk tregon të vërtetën.

Pyetje: A ka deklaruar dicka klienti juaj ne gjyq? Ka mohuar dicka?

Sokol Hazizaj: Ne kemi qenë në të njëjtën linjë, e drejta administrative e pranimit të dokumentit është e drejtë normale e nuk përbën fajësi penale.

***

Alqi Bllako akuzohet nga SPAK për korrupsion dhe shpërdorim detyre kur ishte Sekretar në Ministrinë e Mjedisit, lidhur me aferën e inceneratorit të Fierit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat