Arrestimi i drejtorit të Ujësjellësit, reagon Berisha: Vodhi shtëpinë e Benzema, e denoncova në 2019

Shqipëria

Arrestimi i drejtorit të Ujësjellësit, reagon Berisha: Vodhi shtëpinë e Benzema, e denoncova në 2019

Më: 7 maj 2022 Në ora: 14:17
Ish-kryeministri Sali Berisha

Ish-kryeministri Sali Berisha ka reaguar pasi drejtori i Ujësjellësit të Kurbinit. Alfred Prodani është arrestuar për t’u ekstraduar në Spanjë. 41-vjeçari ishte në kërkim ndërkombëtar , pasi Gjykata Coruna/Spanjë, në vitin 2013, ka lëshuar urdhër arresti-ndërkombëtar, për veprën penale “Vjedhja me dhunë”.

Berisha ka risjellë një denoncim të tij në vitin 2019, ku thuhej se Prodani ishte një prej hajdutëve të shtëpisë së yllit të Real Madridit, Karim Benzema.

Në postimin e tij të fundit, Berisha shkruan se administrata e qeverisë Rama është e mbushur me “hajdutë dhe kriminelë!”.

“Alfred Prodani, drejtori i Ujësjellësit Laç arrestohet për 40 vjedhje e grabitje me dhunë dhe ekstradohet në Spanjë. Me dt 12.11. 2019 qytetari dixhital e denoncoi atë.

Këtu me poshtë keni kroniken e atij denoncimi dhe mesazhin e sotëm të një qytetari dixhital!

“Dua te them diçka ec ta besh mediatike ce Drejtori I ujësjellësit te Laçit, Alfred Prodani asht arrestuar sot ne ore 10 te paradites nga Interpoli per vjedhje grabitje me dhun ne Spain ai ndodhe para burgumit ne tiran pritet te ekstradohet natën e mir zoti te rujt”- shkruan Berisha. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat