Parlamenti refuzoi rezolutën për dënimin masakrës së Srebrenicës, Berisha: Gjenocidi i konfirmuar nga dy gjykata ndërkombëtare!

Shqipëria

Parlamenti refuzoi rezolutën për dënimin masakrës së Srebrenicës, Berisha: Gjenocidi i konfirmuar nga dy gjykata ndërkombëtare!

Më: 15 maj 2022 Në ora: 13:07
Ish-kryeministri Sali Berisha

Ish-kryeministri Sali Berisha ka dënuar me tone tepër të ashpra refuzimin e rezolutës për dënimin e masakrës së Srebrenicës.

Në daljen e përjavshme për mediat, Berisha theksoi se masakrën e Srebrenicës e kanë dënuar vendet e lira, duke u bazuar në vendimet e Gjykatës së Hagës dh asaj ndaj Krimeve të Luftës.

“Për çdo vend të lirë, për çdo shoqëri të civilizuar, për cdo njeri të civilizuar, dënimi i gjenocidit është një detyrim madhor! Moral, por edhe ligjor ndërkombëtar. Sic jeni dëshmitarë, në parlamentin e Shqipërise ndodhi akti më i rëndë, më i turpshëm, më i pabesusëshëm në historinë e këtij vendi!

Refuzimi për të dënuar me një rezolutë një gjenocid të konfirmuar nga dy gjykatat ndërkombëtare: e Krimeve të Luftës në Jugosllavi dhe ajo e Hagës. Mbi vendimet e këtyre gjykatave, vendet e lira kanë kaluar në parlament rezoluta që dënojnë gjenocidin serb në Srebrenicë si barbaria më e madhe pas Luftës së Dytë Botërore”, u shpreh Berisha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat