Vrasja e policit në komisariat, ​Policia e Shtetit del me informacion zyrtar

Shqipëria

Vrasja e policit në komisariat, ​Policia e Shtetit del me informacion zyrtar

Më: 23 maj 2022 Në ora: 22:53
Foto ilustrim

Policia e Shtetit shqiptar ka dalë me një deklaratë zyrtare për shtyp për ngjarjen e rëndë sonte në komisariatin numër 3 në Tiranë, ku efektivi i policisë Ludian Zaimi qëlloi me armë zjarri kolegun e tij Çaush Saliasi, i cili për pasojë ndërroi jetë në spital.

Në njoftimin e policisë mësohet se grupi hetimor i Agjencisë së Mbikëqyrjes Policore ka shkuar në vendngjarje për zbardhjen e dinamikës, ndërkohë që autori i dyshuar është ndaluar.

Në ambientet e komisariatit kanë shkuar një grup i posaçëm nga Drejtoria e Përgjithshme e Policisë së Shtetit, përfshirë ekspertë të Drejtorisë së Standardeve Profesionale dhe nga Departamenti i Rendit dhe Sigurisë Publike.

Në përfundim të veprimeve të para hetimore do të ketë një njoftim më të plotë për media.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat