Hidhet për konsultim publik amnistia fiskale

Shqipëria

Hidhet për konsultim publik amnistia fiskale

Më: 23 qershor 2022 Në ora: 21:27
Foto ilustrim

Ministria e Financave ka zyrtarizuar projektligjin për amnistinë fiskale, draft i cili është hedhur për konsultim publik.

Sipas dokumentit, me këtë nismë parashikohet që të legalizohen pasuritë e padeklaruara, nga pasuritë e paluajtshme, te paratë, monedhat virtuale, sendet me vlerë si dhe instrumente të tjerë financiare.

Kufiri për deklarimin vullnetar të pasurisë do të jetë deri në 2 milionë euro të cilat më pas do të tatohen në masën nga 7 deri në 10%.

Nga kjo amnisti do të përfitojnë shtetasit e Republikës së Shqipërisë, pavarësisht nëse janë apo jo rezidentë tatimorë, si dhe personat juridikë e fizikë, tatimpagues në Shqipëri.

Ndërsa sipas projektligjit do të përjashtohen nga kjo amnisti zyrtarë të lartë si Presidenti, deputetë, kryeministri e funksionarë të tjerë. përfaqësues të pushteti gjyqësor, gjykatës e prokurorë, si dhe drejtues të institucioneve të tjera shtetërore.

Amnistia është parashikuar të zgjasë për një periudhë 9-mujore nga hyrja në fuqi e këtij projektligji.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat