​Goditen qendrat e masazheve, vihen në pranga dy persona në Tiranë

Shqipëria

​Goditen qendrat e masazheve, vihen në pranga dy persona në Tiranë

Më: 24 qershor 2022 Në ora: 15:32
Foto ilustrim

Policia e Shtetit shqiptar ka ndërmarrë operacionin e koduar policor "SPA" gjatë të cilit ka ndaluar dy shtetase shqiptare në Tiranë për mbajtje të lokaleve për prostitucion.

Operacioni, i zhvilluar nga Komisariati i Policisë Nr. 2, ka proceduar penalisht tre shtetas dhe dy të tjerë janë në kërkim, për veprimtarinë e kundërligjshme të prostitucionit në dy qendra masazhesh.

J. D., 30-vjeçe dhe R. L., 20-vjeçe, të dyja banuese në Tiranë, administronin qendra masazhesh në zonën "Ish-Blloku" dhe "21 Dhjetori".

Përveç aktivitetit të regjistruar si qendër masazhesh, në këto ambiente ushtrohej edhe aktiviteti i kundërligjshëm i prostitucionit.

Në vijim të veprimeve u proceduan penalisht në gjendje të lirë shtetasit A. Ll., Xh. T., për veprën penale prostitucioni dhe A. L. për veprën penale moskallëzimi i krimit. Gjithashtu, në kuadër të këtij operacioni u shpallën në kërkim shtetasit P. N. dhe E. D.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat