25-vjetori i ngritjes së Shkollës së Magjistraturës/ Ambasadorja e BE-së në Tiranë: Faktor kyç për përfundimin e reformës në drejtësi!

Shqipëria

25-vjetori i ngritjes së Shkollës së Magjistraturës/ Ambasadorja e BE-së në Tiranë: Faktor kyç për përfundimin e reformës në drejtësi!

Më: 3 tetor 2022 Në ora: 16:53
Ambasadorja e Bashkimit Europian në Tiranë, Christiane Hohmann

Ambasadorja e Bashkimit Europian në Tiranë, Christiane Hohmann e ka konsideruar faktor kyç Shkollën e Magjistraturës për reformën në drejtësi.

Hohman ishte e pranishme sot në ceremoninë e 25-vjetorit të ngritjes së Shkollës së Magjistraturës. Ajo shprehu mbështetjen e plotë të BE-së për shkollën dhe studentët e saj.

Postimi i Ambasadës së Bashkimit Europian:

25 vjet më parë #BE kontribuoi në ngritjen e Shkollës së Magjistraturës në Shqipëri. Sot festuam 25 vjetorin e saj në ceremoninë e diplomimit të 23 magjistratëve të rinj shqiptarë, ku Ambasadorja Hohmann ritheksoi rëndësinë e shkollës dhe rikonfirmoi mbështetjen tonë të patundur.

“Shkolla e Magjistraturës është thelbësore për përfundimin e reformës në drejtësi. Ju jeni shtytësit e vërtetë të ndryshimit drejt ndërtimit të një sistemi drejtësie të drejtë dhe profesional, i cili gëzon besimin e plotë të qytetarëve. Jam e nderuar që mora pjesë në ceremoninë e diplomimit të 23 magjistratëve të rinj, që shënoi edhe 25-vjetorin e Shkollës së Magjistraturës. Si shtytës të vërtetë të ndryshimit dhe faktorë kyç për suksesin e reformës në drejtësi, shkolla dhe studentët e saj do të vazhdojnë të kenë mbështetjen e BE-së!”, Ambasadorja e BE-së, Christiane Hohmann.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat