Deputeti i opozitës Dashnor Sula, ka reaguar për ngjarjen e rëndë në Pogradec, ku Egli Proga humbi jetën pas dhunës nga 29-vjeçari Denis Meçe, ngjarje e cila fillimisht u tentua të fshihej.
Me anët të një postimi në rrjetin social “Facebook”, Sula e ka quajtura një skandal akuzën e ngritur ndaj autorit për “vrasje nga pakujdesia”.
Deputeti thotë se të fortët me imunitet i’a morën jetën dhe se institucionet dështuan të parandalonin ngjarjen dhe të jepnin ndihmën e shpejtë, por më e pakta që mund të bëjnë thotë ai, është të mos e vrasin për herë të dytë.
Sula i ka bërë thirrje KLP, ILD që të lënë pushimet e të hetojnë rastin, pasi autori duhet të marrë ndëshkimin e duhur.
Postimi i plotë i Sulës:
Drejtësia e vonuar është drejtësi e mohuar! Po lexoj në media se akuza e ngritur ndaj autorit qe i shkaktoi vdekjen 42-vjeçarit ne Pogradec është “Vrasje nga pakujdesia”, në një kohë që informacionet dhe dëshmitë e para janë: 42-vjeçari u dhunua barbarisht nga autori.
Nëse këto raportime janë të vërteta atëherë ky është një skandal. Mbi autorin duhet të rëndojnë më së paku akuzat: Shtrëngim për marrje pasurie dhe Plagosje e rëndë me dashje me pasojë vdekjen. Drejtësia e vonuar është drejtësi e mohuar, ndërsa këto që ndodhin në Shqipëri nuk mund të kenë emër tjetër veçse SKANDAL, që meriton vëmendjen e të gjitha institucioneve shtetërore ku gjithsecili të nxjerrë përgjegjësit dhe t’i vendos para drejtësisë.
I ndjeri 42-veçari Eglantin Proga ishte një familjar i rregullt, i cili për të mbajtur familjen e tij bënte dy pune. Por ja që të fortët me imunitet i’a morën jetën. Institucionet dështuan të parandalonin ngjarjen dhe të jepnin ndihmën e shpejtë. Tani më e pakta është që institucionet të mos i “vrasin” për herë të dytë.
I bëj thirrje KLP, ILD që të lënë pushimet e të hetojnë rastin. Autori duhet të marrë ndëshkimin sipas ligjeve ne fuqi.
