Protesta e opozitës para Bashkisë së Tiranës, protestuesit përplasen me qytetarët e bllokuar në makina

Shqipëria

Protesta e opozitës para Bashkisë së Tiranës, protestuesit përplasen me qytetarët e bllokuar në makina

Më: 10 janar 2025 Në ora: 12:49
Foto nga vendi i ngjarjes

Është shënuar me incidente protesta e radhës e mbështetësve të opozitës përpara Bashkisë së Tiranës.

Disa nga qytetarët e bllokuar në makina për shkak të protestës janë përplasur verbalisht me protestuesit dhe kanë kërkuar prej tyre hapjen e rrugës.

Ndërkohë, që sulme verbale ka pasur mes organizatorëve të protestës dhe policisë, pasi kjo e fundit sipas tyre nuk ka marrë masa për devijimin e trafikut.

Opozita prej muajsh proteston në dyert e bashkisë së Tiranës, ku kërkon dorëheqjen e kreut Erion Veliaj. Disa prej grumbullimeve kanë qenë të dhunshme, madje ndaj godinës janë hedhur dhe shishe me Molotov.

comment Për komente lëvizni më poshtë
Sot mund të lexoni Shfletoni kopertinat