Policia e Tiranës ka arrestuar 70-vjecarin me iniciale I. L i cili mëngjesin e djeshëm me automjetin e tij përplasi 4 shtetas që kishin ndaluar në rrugë, pas një aksidenti tjetër.
Si pasojë e aksidentit humbi jetën shtetasi G. M., drejtuesi i automjetit të ndaluar, si dhe u dëmtuan 3 pasagjerët.
Njoftimi
I. L., 70 vjeç, pasi mëngjesin e djeshëm, me automjetin që drejtonte, ka përplasur 4 shtetas që kishin ndaluar në rrugë, pas një aksidenti tjetër. Si pasojë ka humbur jetën shtetasi G. M., drejtuesi i automjetit të ndaluar, si dhe janë dëmtuar 3 pasagjerët të cilët ndodhen në spital, në kujdesin e mjekëve;
Si ndodhi aksidenti?
Viktima dhe 3 të aksidentuarit e tjerë raportohet se po udhëtonin me furgon për në punë. Por, 28-vjeçari Gëzim Muçaj humbi kontrollin e mjetit dhe furgoni u përplas me trafikandarësen.
Më pas, viktima dhe 3 pasagjerët në furgon kanë dalë të shohin dëmtimet e përsuara nga mjeti, por në ato momente një automjet ka ardhur me shpejtësi duke i përplasur.
Për pasojë 28-vjeçari Gëzim Muçaj ka ndërruar jetë teksa po transportohej në spital, ndërsa 3 të aksidentuarit e tjerë, Eduart Ripa, Ervin Qira dhe Shkëlqim Doci ndodhen tek Trauma në gjendje të rëndë.
