Një ngjarje e rëndë është regjistruar së fundmi në zonën e Shkëmbit të Kavajës, ku një i ri ka rrëmbyer një fëmijë 4-vjeçar.
Në një video të publikuar, shihet teksa i mituri po vraponte në drejtim të prindërve të tij, të cilët kishin dalë për shëtitje, kur në një moment ndalon për të luajtur.
Afër tij shkon një i ri i cili menjëherë e merr në krahë dhe fillon të largohet në drejtim të kundërt nga ai i prindërve të 4-vjeçarit.
Fatmirësisht prindërit e kanë parë menjëherë momentin kur adoleshenti tentoi të largohej së bashku me djalin e tyre në krahë dhe vrapuan për të kapur.
“Kur e ndaluam na tha ‘mendova se kishte humbur’! Frika më e madhe është nëse dikush tjetër qëndron pas tij, apo nëse e ka bërë nën efektin e drogës. Mund t’i ndodhë sërish me fëmijën dikujt tjetër, nuk duhet të kalohet aq lehtë,” shkruan babai i djalit ndër të tjera në postimin e shpërndarë.
Më tej, babai i 4-vjeçarit ngre shqetësimin duke u bërë thirrje autoriteteve që të marrin masa që kjo ngjarje mos përsëritet më dhe se fëmijët të ndihen të sigurt.
