Berisha thirrje për protesta: Nuk kemi opsion tjetër përveçse të dalim në rrugë

Shqipëria

Berisha thirrje për protesta: Nuk kemi opsion tjetër përveçse të dalim në rrugë

Më: 14 dhjetor 2025 Në ora: 13:57
Kryetari i Partisë Demokratike, Sali Berisha

Kryetari i Partisë Demokratike, Sali Berisha tha se më 22 dhjetor PD do të nisë betejën me protesta qytetare deri në rrëzimin e qeverisë, krijimin e qeverisë teknike dhe mbajtjen e zgjedhjeve të lira.

Në një komunikim në rrjetet sociale, Berisha e cilësoi një vendim të shkruar në zyrat e Edi Ramës, atë të Gjykatës Kushtetuese që hoqi pezullimi nga detyra të Belinda Ballukut.

“Ai vendim i Gjykatës Kushtetuese i shkruar në zyrën e Edi Ramës, pas presioneve të jashtëzakonshme dhe paritjes me shuma më marramendëse, në kuptimin më të vërtetë të fjalës, është një licencë, për Edi Ramën, familjen e tij, ministrat e tij, që të vjedhin, vjedhin sa më shumë shqiptarët.

Vendimi i shkruar në zyrat e Edi Ramës, tejkalon, mbikalon, të gjithë sistemin gjyqësor shqiptar, i cili ka tagrin në përputhje me Kushtetutën të shqyrtojë masat e sigurisë, Gjykatës së Apelit dhe asaj të Lartë…

Edi Rama përdori të gjitha bandat të cilat futën në parlament, një për një 28 deputetë.

Manipuloi në mënyrë monstruoze votën e diasporës.

Pra dhunoi nen për nen parimet themelore të Kartës së Kopenhagënit të vitit 1990 për zgjedhjet. Kodin Zgjedhor, platformën e këshillit të Europës për zgjedhjet dhe kodin e Venecias.

Të gjitha këto dëshmojnë përfundimisht se zgjedhjet me Edi Ramën janë iluzion. Nuk mund të ndodhin kurrë zgjedhje, përveç se farsë.

Prandaj PD-ja ju bën thirrje ju demokrateve e demokratëve në radhë të parë, por dhe çdo qytetari që e konsideron votën e lirë, si zemrekun e demokracisë të nisim me 22 betejën tonë e cila do të ndërpritet vetëm me rrëzimin e këtij pushteti, krijimin e qeverisë teknike dhe votimin e lirë të shqiptarëve, në të cilat në mënyrë absolute, PD do të fitojë zgjedhjet.

S’i ka fituar kurrë zgjedhjet Edi Rama”, tha Berisha.

comment Për komente lëvizni më poshtë
Sot mund të lexoni Shfletoni kopertinat