Drejtoria Vendore e Policisë Fier ka finalizuar me sukses operacionin "Target", ku u arrestua 31-vjeçari F. B., i akuzuar për shpërndarje narkotikësh në qytetin e Fierit. Pas një hetimi 6-mujor, duke përdorur metoda speciale dhe proaktive, u lokalizua dhe u arrestua shtetasi, i cili shpërndante kanabis të ndarë në doza për shitje.
Gjatë kontrollit, policia gjeti doza të përgatitura për tregtim dhe sekuestroi një sasi narkotiku. Përveç arrestimit, Gjykata e Fierit ka caktuar masën e sigurisë "Arrest me burg" për veprën penale "Prodhimi dhe shitja e narkotikëve". Ky operacion shënon një tjetër sukses në luftën kundër krimit të drogës në rajon, falë bashkëpunimit të ngushtë mes forcave të rendit dhe Prokurorisë.
NJOFIMI:
Drejtoria Vendore e Policisë Fier
Vijojnë goditjet e njëpasnjëshme ndaj veprimtarisë kriminale të shpërndarjes së lëndëve narkotike.
Finalizohet nga Sektori për Hetimin e Narkotikëve, në bashkëpunim me Prokurorinë dhe me mbështetjen e Forcës së Posaçme Operacionale të DVP Fier, operacioni policor i koduar “Target”.
Operacioni u ndoq për 6 muaj me metoda speciale të hetimit.
Kapet dhe vihet në pranga një 31-vjeçar që ushtronte veprimtarinë kriminale të shitjes së lëndëve narkotike në doza në qytetin e Fierit.
Në momentin e kapjes, këtij shtetasi iu gjet dhe iu sekuestrua një sasi lënde narkotike kanabis, e ndarë në doza gati për shitje.
Specialistët për Hetimin e Narkotikëve të DVP Fier, pas informacioneve të siguruara nga hetimi 6-mujor me metoda proaktive, për një shtetas që shpërndante lëndë të dyshuar narkotike kanabis në qytet, kanë organizuar punën për lokalizimin e tij dhe vënien në pranga.
Si rezultat i operacionit policor të koduar “Target”, u kap dhe u vu në pranga shtetasi F. B., 31 vjeç, banues në Fier.
Ky shtetas siguronte lëndën narkotike, e ndante në doza dhe më pas e shpërndante në qytetin e Fierit.
Për këtë shtetas, bazuar në provat e siguruara nga hetimi, Gjykata e Fierit ka caktuar masën e sigurisë “Arrest me burg”, për veprën penale “Prodhimi dhe shitja e narkotikëve”.
Gjatë kontrollit fizik dhe të banesës, shërbimet e Policisë kanë gjetur doza kanabisi të përgatitura dhe gati për shitje.
Materialet procedurale iu referuan Prokurorisë së Fierit për veprime të mëtejshme.
Në kuadër të operacionit "Target", u arrestua shtetasi Frans Begaj.
