Si pasojë e sulmit me bomba molotov nga protestuesit drejt punonjësve të rendit te Kryeministria, mësohet se disa punonjës policie po marrin ndihmën e parë mjekësore.
Një autoambulancë ka marrë 5 efektivë që kanë mbetur të lënduar.
Mësohet se nga gazi lotsjellës kanë pësuar lëndime edhe disa protestues.
Nga ana tjetër, policia ka shoqëruar tre protestues të cilët dyshohet se kanë hedhur molotov drejt ndërtesës qeveritare.
NJOFTIMI
Si pasojë e sulmeve me molotov dhe sende të forta para Kryeministrisë dhe sulmeve para Parlamentit, janë dëmtuar dhe po marrin ndihmë mjekësore 11 punonjës policie.
Ndërkohë, grupet hetimore po vijojnë punën për dokumentimin ligjor të veprimeve të dhunshme të protestuesve ndaj punonjësve të Policisë.
Shërbimet e Policisë kanë identifikuar personat që sulmuan Policinë dhe vijon puna për shoqërimin e tyre.
