Një 50-vjeçar ka gjetur vdekjen mesditën e së enjtes në lagjen “Uznovë” në qytetin e Beratit.
Mësohet se Pëllumb Mollaj, 50 vjeç, ka qenë duke punuar në çatinë e një shtëpie në këtë lagje dhe aksidentalisht ka rënë nga çatia.
Ai ka gjetur vdekjen e menjëhershme pas rënies, si pasojë e dëmtimeve të marra. Trupi i tij i pajetë është transportuar drejt morgut të Spitalit Rajonal Berat.
Në vendngjarje ka shkuar grupi hetimor i DVP Berat, që po punon për sqarimin e plotë të rrethanave të ngjarjes.
Nuk dihet nëse ky shtetas ka qenë punëtor i kontraktuar nga pronari i banesës, që sipas burimeve policore, është shtetasi Leonard Tabaku apo ka qenë familjari i tij.
