Njësia e Antiterrorit në Policia e Shtetit do të rrisë ndjeshëm kapacitetet operacionale falë pajisjes me dronë të avancuar të prodhimit amerikan. Lajmi është bërë i ditur nga Ambasada e Shteteve të Bashkuara në Tiranë përmes një postimi zyrtar këtë të mërkurë.
Sipas ambasadës, teknologjia e re do të ndihmojë në përmirësimin e monitorimit dhe reagimit ndaj kërcënimeve të sigurisë, veçanërisht në luftën kundër terrorizmit dhe kontrollin e kufijve.
Postimi i plotë i Ambasadës Amerikane në Tiranë:
“Njësia e Antiterrorit në Policinë e Shtetit po pajiset me dronët më të fundit të prodhimit amerikan. Me teknologjinë e imazheve termike, këta dronë mund të rrisin aftësinë e Policisë së Shtetit në monitorimin e situatave ditë e natë për të mbrojtur kufijtë dhe për të gjurmuar elementët e dhunshëm.”