Qeveria është kritikuar për mungesë masash efektive në lidhje me çmimin e naftës në vend.
Deputetja Erisa Xhixho në një postim në Facebook është shprehur se ulja e akcizës me 20% nuk sjell një ndryshim të dukshëm në treg.
Sipas saj efekti në çmimin final është vetëm rreth 9 lekë për litër dhe nuk ndikon realisht në uljen e kostos për qytetarët.
Në postimin e saj, ajo shprehet se kjo masë nuk është e mjaftueshme për të përballuar rritjen e çmimeve të karburantit.
Dhe sipas saj, qytetarët vazhdojnë të paguajnë naftë të shtrenjtë në jetën e përditshme.