Morën peng dhe dhunuan të riun për 6000 euro, arrestohet 30-vjeçari i shpallur në kërkim

Shqipëria

Morën peng dhe dhunuan të riun për 6000 euro, arrestohet 30-vjeçari i shpallur në kërkim

Më: 29 maj 2026 Në ora: 16:42
Foto ilustrim

I shpallur në kërkim në kuadër të operacionit “Strike 2”, për një rast të heqjes së paligjshme të lirisë dhe dhunimit, kapet në Gjirokastër 30-vjeçari, R. L. banues në fshatin Risili, Vlorë.

Ai akuzohet se më datë 21.05.2026, në bashkëpunim me shtetasit B. H. dhe L. K. alias L. L. (të arrestuar më parë), kanë marrë me forcë, në automjet, një 20-vjeçar, të cilin e kanë çuar në një ambient të veçuar, ku e kanë dhunuar, për t’i marrë 6000 euro.

Sipas njoftimit të policisë, 30-vjeçari u kap teksa lëvizte me automjet, në aksin rrugor “Tepelenë-Gjirokastër”.

Shtetasi R. L. iu dorëzua shërbimeve të DVP Vlorë, për veprime të mëtejshme.

comment Për komente lëvizni më poshtë
Sot mund të lexoni Shfletoni kopertinat