Një 32-vjeçar, elektricist i OSHEE-së, ka humbur jetën në fshatin Trojas, pasi dyshohet se ra në kontakt me rrymën elektrike gjatë kryerjes së punimeve për riparimin e një linje elektrike.
Ngjarja ka ndodhur rreth orës 09:30.
Viktima, shtetasi me inicialet K. Z., nuk ka mundur t’u mbijetojë plagëve të marra.
Grupi hetimor, nën drejtimin e Prokurorisë, vijon punën për zbardhjen e plotë të rrethanave dhe dokumentimin ligjor të ngjarjes.