Gjatë fushatës elektorale të vitit 2015, Veliaj premtoi se do të aplikojë një moratorium dy vjeçar për ndalimin e ndërtimeve në kryeqytet, pro sot akuzohet se ka dhënë shumë më tepër lejë ndërtimi sesa paraardhësit e tij.
Vetë Veliaj kundërshtoi akuzat dhe theksoi se pjesa më e madhe e lejeve të ndërtimit, që pasqyrohen në statistikat që u referohen akuzuesit, janë dhënë për vepra publike.
“Shifrat tuaja janë të sakta, por të gjithë harrojnë se aty përfshihen edhe lejet e ndërtimit të dhëna për vepra publike. Nëse zbrisni nga ajo shifër, metrat katrorë të sheshit Skënderbej, bashkë me parkingun nëntokësor, Pazarin e Ri, Bulevardin e ri dhe të tjerë vepra publike, do të kuptoni që përgjysmohet direkt”, tha Veliaj.
Kryetari i bashkisë Tiranë theksoi se sfidon të gjithë, për faktin se ka dhënë më pak leje ndërtimi për privatët, sesa paraardhësi i tij.
